Ирээдүй рүү бичсэн захидлууд

Оюутан байхад одоогоор ОЮУНЫ БАНК гэсэн хачин бөгөөд “том” нэртэй “Нацагдоржийн нэрэмжит Улаанбаатар хотын төв номын сан” /цаашид “Нацаг” гэх/ л “амь авардаг” байлаа. Бэгзээ л “ОЮУНЫ БАНК” гэсэн нэрийг өгсөн байх оо.  

Нацаг бол Монголдоо "гайгүй" номын сан шүү. Би 9154 гэсэн дугаартай байлаа, одоо тэр бүртгэлийн дугаарт байгаа зурагаа харах юмсан… номын сангийн эрх ч хаагдсан байх доо...

2002 оны 11 дүгээр сарын 04-ний өдөр. Сургуулийнхаа лекцийн танхимд, Эрх зүйн онол хичээлийн лекцэд орж байв.

/Л.Өлзийсайхан багш/ …гэнэт дургүй хүрч, өөрөөсөө болон хажууд сууж байгаа “нүдний шилтэй” эмэгтэйгээс ичив. Гэхдээ

үүндээ нэг их харамссангүй. Учир нь би Монгол Улсын Үндсэн хууль гэх эрх зүйн баримт бичгийг хэзээ ч харж, уншиж байгаагүй юм байна хэ хэ. /багш тэндээс даалгавар өгөв/ Тодруулах юм бол 1984 оноос 2002 оны 11 дүгээр сарын 04-ний өдрийг хүртэл J.

Төсөөлөл ч байсан юм л даа. Дунд сугуульд байхад нийгмийн хичээлээр нэрийг нь сонсоод “томоос том, олон хуудас бүхий зузаан, бүүр хэд хэдэн боть ном байдаг байх” гэж боддог байсан.

Тэр лекцийг тараад Үндсэн хуулийн эрэлд гарав. Ангийнхантайгаа дөнгөж танилцаж байгаа болхоор тэднээс

асуусангүй, тэгээд ч “өөрөө олж харъя” гэсэн бодолдоо хатуу зогсов.

Лекцээс тараад "Мат"-аар дамжин 2 дугаар давхарт байдаг, нэлээд шүүмжлэлд өртдөг байсан сургуулийнхаа номын санд орж ирэв. Номын сангийн эрх нээлгэх гэсэн хүмүүсийн дараалал урт байсан учир хүлээсэнгүй.

Ингээд "Нацаг" гэсэн нэртэй номын сан байдаг гэж сонсож баснаа санаад, тийшээ зүглэв. Энэ өдөр л анх удаа  "Нацаг"-ийн номын санд уншигчийн эрхээ нээлгэж /тэр хачин зурагаа авахуулж J/ байлаа.

Нацагт 2002 оны 11 дүгээр сарын 04-ний өдөр, 9154 дүгээр уншигч болж бүртгүүлэв. Эхлээд "Бэгз" хэмээх өөрийгөө “программист” гэж танилцуулсан залуутай тааралдлаа, электрон номын каталогийг яаж ажиллуулах талаар /би өөрөө хүсээгүй ч/ тэр надад "ингэж хий" гэж зааж өгөв.

Дараа нь шууд л “Нацагийн хуулийн номын сан...,” шатаар дээшээ гарав.

Эхлээд "Нацаг"-ын номын сангийн “Нацаг эгч”-тэй танилцлаа. /Хааяа гэр лүү ном авч явнаа..."үнэгүй" хэ хэ…/

Ингэж Нацагийн номын сангаас, номын санч "Нацаг" эгчээс Монгол Улсын Үндсэн хуулийг анх удаагаа авч уншиж, танилцав.

2002 оны 11 дүгээр сарын 04-ний өдөр миний хувьд оюутан насны минь сэтгэлд тод үлдсэн хамгийн дурсамжтай өдрүүдийн нэг байсан юм. Анх удаагаа "Нацагт" эрхээ нээлгэж, номын санд сууж үзсэн, бас АНХ УДААГАА МОНГОЛ УЛСЫН ҮНДСЭН ХУУЛИЙГ ХАРЖ, УНШИВ. /гэхдээ юу ч ойлгоогүй/.